පිපෙන්න ඕන අතු අගම
මොකට පිපෙනවද කටු අකුලක
පොළොවට ළඟම තැනක
බඹරෙක් උනත් එන්නෙ උඩකට
උඹටත්
තියෙන්නම ඕන දේදුනු හීන
අනිත් උන්ට වගේම
මොකට බහිනවද මේ අකලට
විසඝෝර කටුක මහපොළොවට
ඉස්සරත්
සමනල් තටු තිබුණා බොහොම
හන්දියක් පාරක් ගානෙම
රකුසු ගිණි ඇවිලුණ
මහපොළොවෙත් පැල්ලම් හැදුණ
තවමත්
සුවඳ වුණ හැටි මේ ලෝකය
දන්නෙවත් නෑ උන් නින්දක
ගව් ගණන් ඒ හීනෙට
මොකට ආවද ඉදිරියටම....
No comments:
Post a Comment